ﺗﻢ ﺗﻐﻴﻴﺮ ﺍﺳﻢ ﺍﻟﺮﻭﺍﻳﺔ ﻟﺘﺼﺒﺢ " ﻫﺬﻳﺎﻥٌ ﺑﻴﻦ ﺟﻤﺮٍ ﻭﺟﻠﻴﺪ "
ﺑﻌﺪ ﺍﻥ ﻛﺎﻥ ﻋﻨﻮﺍﻧﻬﺎ ﺍﻟﺴﺎﺑﻖ " ﺍﻧﺎ ﻭﺍﺭﻣﻠﺔ ﺍﺧﻲ ﺍﻟﻤﺠﻨﻮﻧﺔ "
.. ﻫﻲ : ﺍﻧﺜﻰ ﻣﺠﻨﻮﻧﺔٌ ،، ﺗﺴﺘﺄﺟﺮ ﺍﻟﻘﻮﺓ ﺍﻟﻤﺰﻳﻔﺔ ﻟﺒﻌﺾ ﺍﻟﻮﻗﺖ ،، ﻭﻣﺘﺴﻠﺤﺔ ﺑﻌﻨﺎﺩ ﺍﻻﻧﻮﺛﺔ ..
ﻫﻮ : ﺭﺟﻞ ﻋﺪﻳﻢ ﺍﻟﺸﻌﻮﺭ ﻭﻏﺎﺭﻕ ﺑﺎﻟﻘﺴﻮﺓ ﺍﻟﻤﺸﺘﻌﻠﺔ ،، ﻳﺮﻓﺾ ﺍﻻﻋﺘﺮﺍﻑ ﺑﺴﻄﻮﺓ ﺍﻟﺤﺐ ﻭﺟﻮﺭﻩ ،، ﺍﻧﻪ ﺭﺟﻼ ﻛﺎﻟﺠﻠﻤﻮﺩ .
ﻫﻮ : ﻳﻨﺎﺟﻲ ﺭﺑﻪ ------
ﺭﺑﺎﻩ ﺍﻧﻬﺎ
ﻣﺠﻨﻮﻧﺔ ،،،،
ﻭﺍﺫﺍ ﺑﻘﻠﺒﻲ ﻣﺜﻠﻬﺎ ﻣﺠﻨﻮﻥ ،،،،،
ﻣﻦ ﺫﺍ ﺳﻴﻨﻘﺬﻧﺎ ﻣﻌﺎً .
ﻫﻲ ﻟﻘﻠﺒﻬﺎ ------ :
ﺍﻧﻲ ﺍﻋﺎﻧﻲ ﻗﺴﻮﺓ ﻫﺬﺍ ﺍﻟﺮﺟﻞ ﻭﺍﻧﺖ ﺗﻨﺒﺾ ﻻﺟﻠﻪ
#مشهد
ﺍﻧﺎ ﻭﺃﺭﻣﻠﺔ ﺍﺧﻲ ﺍﻟﻤﺠﻨﻮﻧﺔ .....
ﻧﺰﻝ ﻣﻦ ﺍﻟﺴﻴﺎﺭﺓ ﺟﺎﻥ ﺭﺍﺟﻊ ﻣﻦ ﻃﺮﻳﻖ ﻃﻮﻳﻞ ﻃﺮﻳﻖ ﻣﻠﻴﺎﻥ ﺍﻟﻢ ﻭﻭﺟﻊ ﻣﺒﺮﺡ ، ﺧﻠﻰ ﻗﻠﺒﻪ ﻳﻨﺰﻑ ﻟﺴﺎﻋﺎﺕ ﻣﻦ ﺍﻻﻟﻢ ﻭﺍﻟﺤﺰﻥ ، ﻧﻜﺚ ﺍﻟﺒﺸﺖ ﻣﺎﻟﺘﻪ ﻋﻦ ﺗﺮﺍﺏ ﺍﻟﻤﻘﺒﺮﺓ
ﺍﻟﻤﻘﺒﺮﺓ ﺍﻟﻲ ﺳﻠﺒﺖ ﻣﻨﻪ ﺍﺧﻮﻩ ﻗﻄﻌﺔ ﻣﻦ ﻗﻠﺒﻪ ﻭﺩﻣﻪ ﻭﻟﺤﻤﻪ ﺩﻓﻨﻪ ﻣﻘﺘﻮﻝ ﻭﻣﻴﻌﺮﻑ ﻣﻨﻮ ﻗﺘﻠﻪ
ﺗﺤﺰ ﺑﻨﻔﺴﻪ ﺍﻧﻮ ﺍﻣﻴﺮ ﺍﻝ (***) ﻭﺷﻴﺦ ﻭﺍﻟﻜﻞ ﺗﺸﻬﺪﻟﻪ ﻳﺠﻴﺐ ﺣﻚ ﺍﻟﻮﺍﺩﻡ ﻣﻦ ﺣﻠﻚ ﺍﻟﺴﺒﻊ ﻭﺑﺲ ﻣﻮ ﻛﺎﺩﺭ ﻳﺠﻴﺐ ﺣﻚ ﺍﺧﻮﻩ ﻭﺣﻜﻪ
ﺩﺧﻞ ﻟﻠﺪﻳﻮﺍﻥ ﻭﺗﻠﻜﻮﻩ ﺍﻟﻮﺍﺩﻡ ﻳﻘﺪﻣﻮﻥ ﺍﻟﻪ ﺍﻟﻌﺰﺍﺀ
ﺭﺟﺎﻝ ﻣﻦ ﻛﻞ ﺍﻟﻌﺸﺎﻳﺮ ﺟﺎﻳﻪ ﻣﻦ ﻛﻞ ﺣﺪﺏ ﻭﺻﻮﺏ
ﺗﺨﻠﻞ ﻻﺳﻤﺎﻋﻪ ﺻﻮﺕ ﺍﻟﺤﺒﻴﺒﺔ ﺍﻟﻲ ﺗﻨﻮﺡ ﻭﺻﻮﺗﻬﺎ ﻳﻘﺘﺮﺏ ﻣﻨﻪ ، ﺿﺠﺔ ﻋﺎﻟﻴﻪ ﻭﺻﻴﺎﺡ ﻧﺴﻮﺍﻥ ﻭﺯﻟﻢ ﻳﺘﻌﺎﻟﻰ
ﻛﺎﻡ ﻋﻠﻰ ﺣﻴﻠﻪ ﺍﻟﻤﻬﺪﻭﺩ ﻓﺘﺢ ﺍﻟﺒﺎﺏ ﻭﺻﺎﺭﺕ ﺑﻮﺟﻬﻪ
ﺷﻌﺮﻫﺎ ﺍﻻﺳﻮﺩ ﺍﻟﺪﺍﻛﻦ ﺍﻟﻤﻨﺜﻮﺭ ﻣﻔﺘﻮﺡ ﻭ ﻭﺍﺻﻞ ﻟﺨﺼﺮﻫﺎ ﻭﺟﻬﻪ ﻣﺨﺮﻣﺶ ﻭﻣﺪﻣﻰ
ﺍﻟﻨﺴﻮﺍﻥ ﻻﺯﻣﻴﻬﺎ ﻣﻦ ﺍﻳﺪﻳﻬﺎ ﻭﻫﻴﻪ ﻣﺜﻞ ﺍﻟﻠﺒﻮﺓ ﺍﻟﺠﺮﻳﺤﺔ
ﺍﺍﻟﻲ ﻓﻘﺪﺕ ﺷﺒﻠﻬﺎ ﺗﺼﺎﺭﻉ ﻟﺤﺘﻰ ﺗﻮﺻﻠﻪ .
ﻣﻦ ﺷﺎﻓﻬﺎ ﺑﻬﺬﺍ ﺍﻟﻮﺿﻊ ﺩﺍﺭ ﻭﺟﻬﻪ ﻣﻨﻬﺎ ﻭﺻﺎﺡ ﺑﻌﺎﻟﻲ ﺻﻮﺗﻪ
ﺍﻧﺴﺴﺴﺴﺘﺮﻱ !!!!!.......
ﺍﻧﻔﺮﺟﺖ ﺷﻔﺎﻳﻔﻬﺎ ﻟﺘﻄﻠﻖ ﺻﺮﺧﺔ ﺍﻧﺴﺴﺴﺘﺮ ﻣﻮﻭﻭ؟
ﺣﺮﻛﺖ ﺭﻭﺣﻬﺎ ﻣﻦ ﺍﻟﻴﻤﻴﻦ ﻭﺍﻟﻴﺴﺎﺭ ﻭﺗﺤﺮﺭﺕ ﻣﻦ ﺍﻟﻨﺴﻮﺍﻥ ﺍﻟﻲ ﺟﺎﻧﻮ ﻣﻘﻴﺪﻳﻨﻬﺎ ...
ﻭﻭﺻﻠﺖ ﻟﻼﻣﻴﺮ ﻭﺻﺎﺭﺕ ﺗﺒﺎﻭﻉ ﺑﻮﺟﻬﻪ ﻭﺗﺤﺠﻲ ﺑﺼﻮﺕ ﺍﺑﺢ ﻭﺣﻨﺠﺮﺓ ﻣﺠﺮﻭﺣﺔ ﺑﺴﺒﺐ ﺍﻟﺼﺮﺧﺎﺕ ﺍﻟﻲ ﺍﻃﻠﻘﺘﻬﺎ ﻉ ﺍﺛﺮ ﻣﻘﺘﻞ ﺯﻭﺟﻬﺎ . .
ﻣﺪﺕ ﺍﻳﺪﻫﺎ ﻟﺼﺪﺭﻩ ﺑﻼ ﻭﻋﻲ ﻭﻟﺰﻣﺘﻪ ﻣﻦ ﻃﺮﻑ ﻣﻼﺑﺴﻪ
ﺑﻘﻮﻭﺓ ﻭﻇﻠﺖ ﺗﺤﺠﻲ ؛ - ﻫﺎﺍﺍ ﺩﻓﻨﺘﻪ ﺷﻮﻥ ﺍﻧﻄﺎﻙ ﻛﻠﺒﻚ ﻣﻮ ﺍﺧﻮﻙ ﻫﺬﺍ ﺣﻤﺪﺍﻥ ﺳﻤﻌﺖ ﻏﺴﻠﺘﻪ ﻟﻴﺶ ﻏﺴﻠﺘﻪ ﻭﺩﻓﻨﺘﻪ ﻟﻴﺶ ﻣﺎﺩﻓﻨﺘﻪ ﺑﺪﻣﻪ ﻟﻴﺶ ؟ ﺷﻮﻥ ﻧﻄﺎﻙ ﻛﻠﺒﻚ ﺗﺪﻓﻨﻪ ﻭﻫﻮ ﻣﻜﺘﻮﻝ ﻭﻛﺘﺎﻟﻪ ﻋﺎﻳﺶ ﻭﺍﻧﺘﻪ ﺗﻌﺮﻓﻪ ﻭﺍﻧﻲ ﺍﻋﺮﻓﻪ ﻭﺍﻟﻜﻞ ﺑﻬﺬﺍ ﺍﻟﺒﻴﺖ ﻳﻌﺮﻓﻪ ..
ﻛﺎﻟﺖ ﻛﻠﻤﺎﺗﻬﺎ ﺍﻻﺧﻴﺮﺓ ﻭﻫﻴﻪ ﺗﻔﺘﺢ ﻗﺒﻀﺘﻬﺎ ﻋﻦ ﻣﻼﺑﺴﻪ
ﺻﺮﺧﺖ ﻳﺎ ﻋﺎﻟﻢ ﻳﺎ ﻧﺎﺍﺱ ﭼﺘﺎﻝ ﺣﻤﺪﺍﻥ ﻫﻨﺎﺍﺍﺍ ﺑﻬﺬﺍ ﺍﻟﺒﻴﺖ
ﻗﺒﻞ ﻟﺘﻜﻤﻞ ﻛﻼﻣﻬﺎ ﺧﻠﻰ ﺍﻳﺪﻩ ﻋﻠﻰ ﺣﻠﻜﻬﺎ ﻭﺳﻜﺘﻬﺎ ﺑﻘﻮﻭﺓ ﻭﺟﺎﻧﺖ ﻫﺎﻱ ﺍﻟﻤﺮﺓ ﺍﻻﻭﻟﻰ ﺍﻟﻲ ﺗﻤﺘﺪ ﺍﻳﺪﻩ ﺍﻟﻬﺎ ﻭﺗﻠﻤﺴﻬﺎ
ﺍﺷﺮﻟﻬﻢ ﻭﺍﻣﺮﻫﻢ ﻳﺪﺧﻠﻮﻧﻬﺎ ﻟﻠﻐﺮﻓﺔ ﻭﻳﺴﺘﺮﻭﻧﻬﺎ
ﺍﺧﺬﻭﻫﺎ ﻭﺳﻂ ﺻﺮﺧﺎﺗﻬﺎ ﺍﻟﻤﻌﺘﻠﺔ ، ﺳﺤﺒﻮﻫﻪ ﺑﻘﺴﻮﺓ ﻭﻣﺎ ﺍﻫﺘﻤﻮﺍ ﻟﻌﺬﺍﺑﻬﺎ ، ﺩﺧﻠﻮﻫﺎ ﻟﻠﺒﻴﺖ ﻭﻟﻠﻐﺮﻓﻪ ، ﻭﻛﻌﺖ ﻋﻠﻰ ﺍﻻﺭﺽ ﺗﺮﺑﻌﺖ ﻭﻛﻌﺪﺕ ﺗﺸﻴﻞ ﺍﻳﺪﻫﺎ ﻭﺗﺮﻣﻴﻬﺎ ﻋﻠﻰ ﺍﻓﺨﺎﺫﻫﺎ ﺑﻘﻮﺓ ﻣﻬﺪﻭﺩﺓ ﻭﺿﻌﻴﻔﺔ ، ﺟﺴﺪﻫﺎ ﻳﻬﺘﺰ ﻭﻳﺘﻤﺎﻳﻞ ﺑﺪﻭﻥ ﺍﺭﺍﺩﺓ ﻣﻨﻬﺎ ، ﺷﻤﺮﻭ ﻋﻠﻴﻬﺎ ﻋﺒﺎﻳﻪ ﺑﺲ ﻫﻴﻪ ﻧﻔﻀﺘﻬﺎ ﻃﻠﻌﻦ ﻭﺧﻠﻨﻬﺎ ...
ﻭﺭﺓ ﺩﻗﺎﻳﻖ ﻓﺎﺕ ﺍﻻﻣﻴﺮ ( ﻋﻠﻲ ﺍﻟﺪﺭ ) ﺭﻓﻌﺖ ﺭﺍﺳﻬﺎ ﻭﺷﺎﻓﺘﻪ
ﻧﺰﻉ ﻏﺘﺮﺗﻪ ﻭﺷﻤﺮﻫﺎ ﺭﻓﺮﻓﺖ ﻭ ﻭﻛﻌﺖ ﻋﻠﻰ ﺭﺍﺳﻬﺎ ﻭﻏﻄﺘﻬﺎ
ﻛﻠﻬﺎ ﻟﺤﺪ ﺣﻀﻨﻬﺎ ...
ﺻﻚ ﺍﺳﻨﺎﻧﻪ ﻭﺣﺠﻰ ﺑﻌﺼﺒﻴﺔ ﻋﻜﺲ ﻛﻞ ﺍﻟﻐﻀﺐ ﺍﻟﻲ ﺑﺪﺍﺧﻠﻪ ﺗﺄﺟﺞ ﺑﺮﻳﻖ ﻋﻴﻮﻧﻪ ﻭﺻﺎﺭﺕ ﺗﺮﺳﻞ ﻭﻣﻀﺎﺕ ﺷﻴﻄﺎﻧﻴﺔ ﻣﺎﻛﺪﺭ ﻳﺨﻔﻲ ﺍﻟﻤﻮﺕ ﺍﻟﺒﻄﻲﺀ ﺍﻟﻲ ﻳﺸﻌﺮ ﺑﻲ ﺑﺎﻋﻤﺎﻗﻪ ...
_ ﺍﺳﻤﻌﻲ ﺗﺒﻘﻴﻦ ﺑﻤﻜﺎﻧﺞ ﻭﻣﺎ ﺍﻫﻴﺲ ﺍﻟﺞ ﻧﻔﺲ ﻭﻟﺞ ﺍﻧﺖ ﺷﻨﻮ ﺍﻟﻲ ﺗﺮﺩﻳﻦ ﺗﻮﺻﻠﻴﻦ ﺍﻟﻪ ﺑﻬﺎﻱ ﺍﻓﻌﺎﻟﺞ ﺧﻠﻲ ﺍﻟﻔﺎﺗﺤﺔ ﺗﻤﺮ ﻋﻠﻰ ﺧﻴﺮ ﻻ ﻣﺎﺭﺍﺡ ﻳﺤﺼﻠﺞ ﺧﻴﺮ
ﺭﻓﻌﺖ ﺍﻳﺪﻳﻬﺎ ﻭﻭﺧﺮﺕ ﻏﺘﺮﺗﻪ ﺍﻟﻲ ﺗﻠﺤﻔﺖ ﺑﻴﻬﺎ
ﻛﺎﻣﺖ ﻋﻠﻰ ﺣﻴﻠﻬﺎ ﻭﻭﺻﻠﺖ ﺍﻟﻪ
ﺻﺪﺡ ﺻﻮﺗﻬﺎ ﺑﻤﺮﺍﺭﺓ ﻭﻏﺼﺔ ؛ - ﺧﻴﺮ ﻣﻨﻴﻦ ﻳﺠﻲ ﺍﻟﺨﻴﺮ ﻭﺍﺧﻮﻙ ﻣﻜﺘﻮﻝ ؟
_ ﺍﺧﺮ ﻣﺮﺓ ﺍﻛﻠﺞ ﺍﻧﺴﺘﺮﻱ
_ ﺍﻧﺴﺘﺮ ﻫﻮ ﻫﺬﺍ ﺍﻟﻬﺎﻣﻚ ﺷﻌﺮﻱ ﻃﺎﻟﻊ ؟ ﺍﺧﻮﻙ ﺣﺠﺒﻨﻲ ﻭﻫﺴﻪ ﺍﺧﻮﻙ ﻣﺎﺕ ﻭﺍﻧﻲ ﻣﺎ ﺭﺍﺡ ﺍﻟﺰﻡ ﻋﺪﺓ ﻭﻻ ﺍﻧﺴﺘﺮ ﻋﻠﻰ ﻛﻮﻟﺘﻚ ﺍﻟﻪ ﺍﺫﺍ ﺍﺷﻮﻑ ﻗﺎﺗﻞ ﺣﻤﺪﺍﻥ ﻳﻨﺬﺑﺢ ﻛﺪﺍﻡ ﻋﻴﻮﻧﻲ
ﻣﺪ ﺍﻳﺪﻩ ﺑﺎﺗﺠﺎﻫﻪ ﻳﻬﺪﺩ ؛ - ﻭﻟﺞ ﻣﻨﻬﻮ ﻛﺘﺎﻟﻪ ﺷﺠﺎﻱ ﺗﺨﺮﺑﻄﻴﻦ ﺍﻧﺘﻲ ؟ ﺍﻧﺘﻲ ﺷﻔﺘﻲ ﻣﻨﻮ ﻛﺘﻠﻪ ﺑﻌﻴﻮﻧﺞ ﺷﻔﺘﻲ ؟
ﻣﺎﺷﻔﺘﻪ ﺑﺲ ﺍﻋﺮﻑ ﺍﻟﻲ ﻛﺘﻠﻪ ﻭﺑﻌﺪ ﻛﻞ ﺍﻟﻲ ﺻﺎﺭ ﺗﺮﺓ ﻛﻞ ﺷﻲ ﻭﺍﺿﺢ ، ﺍﻧﺖ ﺷﻠﻮﻥ ﺍﻧﻄﺎﻙ ﻛﻠﺒﻚ ﺗﺪﻓﻨﻪ ﺷﻠﻮﻭﻭﻥ ؟
ﺣﺠﺖ ﻫﻴﺞ ﻭﻫﻴﻪ ﺗﻀﺮﺏ ﻋﻠﻰ ﺻﺪﺭ ﺍﻻﻣﻴﺮ ﺑﻘﻮﻭﺓ
ﺍﻣﺘﺪﺕ ﺍﻳﺪﻩ ﻗﻴﺪ ﻣﻌﺎﺻﻤﻬﺎ ﺑﻜﻔﻮﻓﻪ ﻭﺑﻌﺪﻫﺎ ﻋﻨﻪ
ﻳﺮﻳﺪ ﻳﻄﻠﻊ ﻣﺪﺕ ﺍﻳﺪﻫﺎ ﺍﻟﻪ ﻭﻟﺰﻣﺘﻪ ﻣﻦ ﺯﻧﺪﻩ
ﺣﺴﺎﻥ ﺣﺴﺎﻥ ﺍﻟﻲ ﻛﺘﻞ ﺣﻤﺪﺍﻥ ﻳﺎﺷﻴﺦ ﺍﻱ ﺍﻱ ﻫﻮ ﻭﺍﻟﻠﻪ ﻭﻻﺯﻡ ﻳﺎﺧﺬ ﺟﺰﺍﺋﻪ ﻻﺯﻡ ﺗﻜﺘﻠﻪ
ﺩﺍﺭ ﻭﺟﻬﻪ ﻋﻠﻴﻬﺎ ﻭﻣﻼﻣﺤﻪ ﺗﺸﻊ ﻏﻀﺐ
_ ﻭﻟﺞ ﺗﻮﻧﻲ ﺍﺟﻴﺖ ﻣﻦ ﺩﻓﻦ ﺍﺧﻮﻱ ﻭﺗﺮﻳﺪﻳﻨﻲ ﺍﻛﺘﻞ ﺍﺧﻮﻱ ﺍﻟﺜﺎﻧﻴﻴﻲ ؟
_ ﻭﺍﻟﻠﻪ ﺍﺫﺍ ﻣﺎ ﻛﺘﻠﺘﻪ ﺍﻧﺘﻪ ﺍﻧﻲ ﺍﻛﺘﻠﻪ ﻭﻟﻮ ﻟﻮ ﺍﻋﺮﻑ ﺍﺑﻴﻊ ﺷﺮﻓﻲ ﻭﺍﺧﺬ ﺑﺜﺎﺭﻩ
ﺟﺎﻧﺖ ﻣﻨﻬﺎﺭﺓ ﻟﺪﺭﺟﺔ ﻣﺘﻌﺮﻑ ﺷﻨﻮ ﺗﺤﺠﻲ ﻭﺷﻨﻮ ﺗﻜﻮﻝ
ﻭﺻﻞ ﺍﻟﻐﻀﺐ ﺑﺮﻭﺣﻪ ﻻﻋﻠﻰ ﺩﺭﺟﺎﺗﻪ ﺧﺰﺭﻫﺎ ﺧﺰﺭﺓ ﺟﺎﻧﺖ ﺗﻜﺪﺭ ﻣﻦ ﺧﻼﻟﻬﺎ ﺗﺸﻮﻑ ﺍﻟﻤﻮﺕ ﻳﻠﻮﺡ ﺍﻟﻬﺎ ﻣﻦ ﺧﻼﻝ ﻧﻈﺮﺍﺕ ﻋﻴﻮﻧﻪ
ﺑﻌﺪ ﻟﺤﻈﺎﺕ ﻋﺮﻑ ﺍﻧﻮ ﻫﻴﻪ ﺧﻠﺺ ﺟﻨﺖ ﻭﻓﻘﺪﺕ ﺻﻮﺍﺑﻬﺎ ﻋﻠﻰ ﺍﺛﺮ ﻓﻘﺪﺍﻧﻬﺎ ﻟﺤﺒﻴﺒﻬﺎ ﺍﻟﻲ ﺑﺎﻟﻤﻮﺕ ﻳﻠﻪ ﺗﺰﻭﺟﻬﺎ ﻭﺑﻌﺪ ﺍﻗﻞ ﻣﻦ ﺳﻨﺔ ﻭﻧﺺ ﻳﻮﺩﻋﻬﺎ ﻣﻘﺘﻮﻝ ﻭﺳﺎﺑﺢ ﺑﺪﻣﻪ ﺍﻟﺸﻲ ﺍﻟﻲ ﺧﻠﻰ ﻋﻘﻠﻬﺎ ﻣﺎﻳﺴﺘﻮﻋﺐ ﺍﻟﻔﺎﺟﻌﺔ ﺍﺑﺪ
ﺑﺲ ﻛﻠﻤﺎﺗﻬﺎ ﺍﻟﺒﻌﺪﻫﺎ ﺍﻛﺪ ﺍﻟﻪ ﺍﻧﻮ ﻫﻴﻪ ﺟﺎﻧﺖ ﻣﺘﻘﺼﺪﺓ ﺗﻜﻮﻝ ﻫﺎﻟﻜﻼﻡ
ﻛﺎﻟﺘﻠﻪ ﺣﺴﺎﻥ ﺗﺤﺮﺵ ﺑﻴﻪ ﻭﺍﻟﻤﺸﺎﻛﻞ ﺍﻟﺼﺎﺭﺕ ﻛﺪﺍﻣﻚ ﻛﻠﻬﺎ ﺗﻜﺪﺭ ﺗﺘﺄﻛﺪ ﻣﻦ ﺍﻟﻲ ﺩﺍ ﺍﻛﻮﻟﻪ
ﺗﻮﺍﻟﺖ ﺍﻟﺼﺪﻣﺎﺕ ﻋﻠﻴﻪ ﻫﺎﻱ ﺟﻨﺖ ﻭﺭﺍﺡ ﺗﺠﻨﻨﻪ ﻭﻳﺎﻫﻪ
اتمنى لكم قراءة ممتعه
تعليقات
إرسال تعليق