القائمة الرئيسية

الصفحات

أحدث المواضيع

13نصيحة الى كل من يمتلك غسالة اوتوماتيك


 نصائح لمن يريد ان يشتري او يمتلك غسالة اوتوماتيك

 نصائح لمن يريد ان يشتري او يمتلك غسالة اوتوماتيك

=======================
1-لا تستخدم مسحوق غسيل الصحون (تايت)
,ولكن استخدم زاهي غسالات اوتوماتيك افضل شي
وحتى افضل من مسحوق الغسيل الخاص بالغسالات
لان مسحوق التايت العادي لا تذهب كل رغوته عند الشطف
وتتجمع بالحوض رواسب صعبة التنضيف جدا
جاي تجيني غسالات للورشة ملبوخة كانما
سمنت ابيض في داخل الحوض وهذا بسبب مسحوق التايت
طبـعا راح يسد المسامات فـي الحوض وصوندة التفـريغ الداخلـية تنسد
واني ما اريد غسالتك تعطل وتجيني لو تروح للمصلح
=======================
2-اخواني مستـوى الماء دائما يكون اعلى من مستـوى
الملابـس فد 5 اصابع علمـود البشـارة تفتر براحتـها لان
اذا مـستوى الماء قليل راح يصير ضـغط على المـاطور
ويحمة وبعـدين يعطل وتضـل انتة حاير بالتصـليح
=======================
3-اخواني الحذر كل الحـذر من تنصيب الغسالة
في الحمـام لان الرطـوبة تدمر الكيربوكـس وبقية العـتاد
واكــو غسالات ما متوفر الـها كيربوكـس يعنـي كم شـهر وتـذبهـا
اخواني جاي تجيني غسالات للورشة من اسحب اي
حديدة بالكـيربوكس تجي بايـدي اذن قدر شكد مزنجـر
ومن اسـئـل راعيها يكـولي صارلـها 9 اشـهـر هذا اثـر
الرطـوبـه صح مو كلهـا سوه لاكن هذا ما رايته في عمـلي
=======================
4-اخواني اتركو تاسـيس الماء الحار الا للضروره
القسـوى مثلا لغسل الملابس الخاصـة بالعمل مثل الاخوان
الحدادين او الفيترية او المـلابس التي تحتوي على زيوت
اما الاتـربة والاوسـاخ ما تحتاج المـاء الحار لان اغلـب
الغسالات مصممة لدرجة حراره 30 درجة مئوية اما
عدنة بالعـراق الكيزرات من 60 ولفـوك اخواني تجيـني
للورشة الغسالات مايعة الصمامات مايعة من الحراره
فنصيحة علـمود لتعطل غسالتك ياحبـيب كلبي
=======================
5-ثبت الغـسالة باحكام مع التوزين الصحيح
واذا بيها شوية حركة تعب نفـسك جيب جوب
وكصة قطع صغار وخلي تحت الغسالة بحـيث تحس
بالثبات واستخدم القبان الخاص بها للتوزين
========================
6-لا تغسـل الغسالة الاوتوماتيك بالـصوند والماء
وانما استـخدم قطعة رطبة من القمـاش وامسـحها جيدا ولا بـاس
ان تستخدم القليل من الرغـوه للتنضيف
========================
7-فتشـو الملابس جيدا قبل وضعها في الغـسالة
اخـواتي اخواني المـلابـس اذا بيها كلنـس او فلوس او بعـض
الازرار او الاكسـسوارات النـسائيـة كلها تضر اذا وقعـت
في الحوض مثلا الكلنـس يتحول الى فتات ويملى غرفة التفريغ
مما يؤدي الى الانـسداد واما الازرار او الاكسسوارات
تحشر بين البـشاره والحوض وهذا يؤدي الى تكـسر فيهما
وكل ما سبق اقوله لك رايته في عملي في صـيانة الغسالات
الاوتوماتيك
========================
8-اخواني برمجة الغسـالات عموما من اليسار لليمـين
وليس العـكس......يعني
1- تشغـيل
2- تحديـد مستوى الماء
3- وقت الغسـل
4- عدد الشـطتفات
5- وقـت الدوران
6- ستـار او البدء
اكيد مو كل الغسـالات نفس الشي اذا غسـالتك تختلف
اتصـل بي على الواتـساب اعلمك علية وبكل سـرور
========================
9-اخواني نضفوا فلاتر الغسـالة بين فتره وفتـره
بالخصوص فلتر الصمام الخلفي للماء البارد لان اذا ضعف
الماء تطلـعلك رمز 4E يعني الرمز ضعف في تدفـق الماء
========================
10-رفع صوندة التـفريغ بمستوى واير الكـهرباء ومن
ثم الـرجوع بها الى فتـحة المنهول او المجري
وهية بالغسـالة يجي مع الغساله قـوس على شكل حـرف اليو U
بالانـكليزي مقلوب وفي اعلاه ثقب للمسـمـار ثبت المـسمار
افقـيا مـع مستوى واير الكهرباء لا اكثر ولا اقل
واذا ما عرفت شلون مشكولة ذمتك اذا متخـابرني علـى الواتساب
افهـمك بالمضبوط بس دعواتكم تكفيني
========================
11-سوي غسيل حوض تقريبا كل ثلاث اشهر
تضغـط على زر تنظـيف الحوض وتضغط سـتار او ابدا
واتركها وينـتهي الموضوع
========================
12-عدد الشطـفات اخواني الاعزاء
وقت كل شـطفة 18دقيقة تقريبا حـسب مستوى الماء
فاذا كانت مجموعة المـلابس لا تحتوي نجاسات فقط اتربة
فافضل عدد الشـطفات يكون 2
اما اذا كانت الملابس تحتوي على نجاسـات فتكون
ثلاث شـطفات على الاقل (طبعا هنا حسب الرغبة اكيد )
هذا الشي للتنبيه فقط و ((للاسـتبراء الشرعـي ))
========================
13-يفضل تاسـيس الغسالة عـلى التانكي وليـس
على الاسالة لان مـاء الاسالة متذبذب يضـعف ويقوه
========================
بالنسـبة للاخوان الي ميـعرفون شيشـترون يانوعية
اخي اخذ السامسونك جميع انواعها جيدة واغراضها
متـوفرة بكثره ومتعطل بـسهولة الا اذا سـوء استخدام
واذا قرأت هذة النصائح جيدا وطبقتـها امن على غسالتك
========================
اذا تفكر تشتري ياحجم راح اكلك حسب كـبر عائلتك اذا كانت عائلتك
صغيره ومتغسلون بـطانيات اخذ الـصغيرة اصرفلك
========================
اخواني اي مشـكلة بغسالتكم خابروني واتسـاب اعلمك
تعيد برمجتها واذا العطل بسيط اعلمك واخليك تصلحها
بنفسك ولاراح تخسر فـلس على التليفون افتـح كامره
وراويني مشكـلتك وراح اخليك تـصلحها بنفسك
بس اذا الـعطل صعب لو يتطلب الورشــة بهاي
الحالة اكـلك تجيـبها
اخوكم .. ابو زهـراء الجبـوري 07801549502
========================
reaction:

تعليقات